Ndeshja mes Kroacisë dhe Kosovës e vlefshme për eliminatoret e Botërorit “Rusia 2018” është ndërprerë në minutën e 26. Shkak ishin reshjet e shumta, që nxorën jashtë funksionit fushën në stadiumin “Maksimir Arena” të Zagrebit.
Ndërkohë pritet që UEFA të përcaktojë një datë për zhvillimin e takimit, pasi si kroatët ashtu edhe kosovarët kanë përjashtuar mundësinë që ai të vijojë ditën e dielë.
Trajneri i kombëtares së Kosovës, Albert Bunjaku, nuk e ka mirëpritur ndërprerjen e ndeshjes. “Është e rëndësishme që të dy palët të marrin një vendim. Nuk ishte gjë e mirë që ndeshja u shty. Ka shumë tifozë të Kosovës që kanë ardhur në Zagreb, madje edhe nga Kanadaja”, tha Bunjaki.
Ndërsa tekniku kroat, Ante Çaçiç, ka përjashtuar mundësinë që takimi të luhet të dielën, kjo edhe për faktin se të martën e javës që po vjen, Kroacia do të udhëtojë drejt Turqisë për ndeshjen e rradhës.
“Shkojmë për fitore në Turqi. Humbja e tyre nuk do të thotë asgjë për ne, sikur edhe humbja e Islandës”, ka thënë Çaçiç.
Ukraina me fitoren kundër Turqisë ka marrë vendin e parë në grup me 14 pikë. Islanda ka pësuar humbje nga Finlanda dhe ka mbetur me 13 pikë, po aq sa ka edhe Kroacia, por me një ndeshje më pak të zhvilluar. /tesheshi.com/
