Koreja e Veriut ka ulur sasinë e ushqimit për kokëbanori, ose thënë ndryshe ka zvogëluar tollonat me 300 gram haje në ditë, që është niveli më i ulët në histori për këtë kohë të vitit. E gjitha kjo, sipas një raporti të publikuar nga Kombet e Bashkuara, ka ardhur për shkak të të korrave të këqija dhe thatësirës.
Organizata Botërore ka vlerësuar situatën ushqimore nga 29 marsi deri më 12 prill, me kërkesë të vetë Koresë së Veriut. Asaj iu dha akses i gjerë, duke përfshirë fermat e kooperativave, familjet rurale dhe urbane, kopshtet dhe qendrat për shpërndarjen e ushqimit, sipas Reuters.
“Vlerësimi i ri i sigurisë e ushqimit konstatoi se pas korrjeve më të këqija në 10 vitet e fundit, për shkak të një periudhe të gjatë thatësire e valëve të të nxehtit, një total prej 10.1 milion njerëzish janë goditur nga një pasiguri e rëndë në lidhje me ushqimin”, tha Herve Verhoosel nga Programi Botëror i Ushqimit (ËFP).
Studimi gjeti se marrja e proteinave nga Koreja e Veriut është shumë e ulët dhe se disa familje i përfitojnë ato në pak ditë të vitit.
Nga ana tjetër, vendi komunist rreh gjoksin me arsenalin e saj ushtarak, ku deri para pak kohësh kërcënonte botën me raketa bërthamore. /tesheshi.com/
