Mianmari, vendi që u bë i famëkeq nga gjenocidi qeveritar ndaj popullsisë Rohingia të besimit musliman, ka hyrë në një krizë politike.
Presidenti i vendit, Htin Kyaw, një njeri i besuar i kryeministres Aung San Suu Kyi, ka dhënë dorëheqjen në mënyrë të papritur duke e justifikuar me “probleme personale”.
Vendimi është bërë i ditur në faqen e Facebook-ut të presidencës birmaneze, pas zërave që ishin përhapur se presidenti ishte në kushte të rënda shëndetësore.
Htin Kyaw (71 vjeç), u zgjodh president në marsin e dy viteve më parë pas fitores së “Ligës Kombëtare për Demokraci”, në të parat zgjedhje të lira pas gjysmë shekulli të diktaturës ushtarake. /tesheshi.com/
