Bundestagu gjerman ka aprovuar rezolutën që njeh gjenocidin armen, i cili ka të bëjë me masakrat e kryera nga ana e perandorisë otomane në vitin 1915.
Nga ana e saj, Turqia ka thirrur ambasadorin e vet në Berin, në shenjë proteste.
Dhoma e ulët e parlamentit të Berlinit nuk ka pasur frikë për kërcënimet e Turqisë dhe Recep Erdogan, i cili në vigjilje të votimit ka bërë me dije nëpërmjet kryeministrit Binali Yildrim se një votë në favor të gjenocidit do të vinte në provë miqësinë turko-gjermane, duke rrezikuar kështu marrëdhëniet diplomatike mes dy vendeve.
Asambleja legjislative e Gjermanisë nuk është tutur nga këto paralajmërime të Ankarasë dhe ka votuar mocionin thuajse unanimisht: vetëm një deputet abstenoi dhe një tjetër ishte kundër.
Në vitet 1915-1916, Porta e Lartë urdhëroi shpërnguljen dhe masakrën e një milion e gjysmë armenësh, të cilët u ekzekutuan në provinca të ndryshme të perandorisë otomane. Gjatë kohëve të fundit, Turqia iu është kundërvënë me të madhe të gjithë atyre që e kanë cilësuar si gjenocid këtë fenomen, duke vënë në pikëpyetje politikën e saj të jashtme.
Sfida gjermane ndaj Gjysmë Hënës shënon një moment delikat. Ditën e djeshme skadonte përfundimi i implementimit të marrëveshjes mes Turqisë dhe BE-së për refugjatët, në bazë të së cilës Ankaraja duhet të frenojë fluksin e pakontrolluar të mbërritjeve në këmbim të libaralizimit të vizave të qytetarëve turq për të lëvizur lirisht në territorin e BE-së.
Ç ështja e Armenisë rrezikon të hapë edhe një tjetër plagë tjetër në marrëdhëniet e Turqisë me BE-në. Deri më tani 20 shtete, mes së cilave Italia dhe Franca, kanë njohur të vërtetën historike të gjenocidit ndaj armenëve. /tesheshi.com/
