Një prej aleatëve të Bashës, republikani Fatmir Mediu, kërkon që kreu demokrat të tërhiqet nga ultimatumi i tij “jo zgjedhje me Ramën”, në funksion të zgjidhjes së krizës.
“Opozita duhet të reflektojë . Çështjet e emrave janë tërësisht të parëndësishme. Nëse ulemi si palë politike secila palë ka të drejtë kë mendon se është më efektive. Mendoj se duhet të ulen ata që kanë përgjegjësi për të marrë vendimmarrje sesa aktorë dytësorë që mund të kthejnë dialogun politik në lojë të pavlefshme. Duhet të ulemi sa më parë në dialog”,tha Mediu i ftuar në Top Talk në TCH.
Sipas tij, ndërkombëtarët janë të gatshëm që ta negociojnë krizën, por jo kur palët janë kaq të ndara.
“Ne duhet të krijojmë kurs dikutimi normal me njëri-tjetrin pastaj të kemi mundësi për të ofruar. Ka shumë personalitete që janë të gatshëm për të negociuar, siç janë ata që janë marrë me Maqedoninë. Por të paktën të tregojmë përgjegjshmëri minimale”, tha Mediu. /tesheshi.com/
