Kryeministri Edi Rama paralajmëroi shkarimin e presidentit Meta, teksa nga Burreli, duke vijuar me të njëjtin ritëm fushatën elektorale, deklaroi se me anulimin e dekretit të 30 qershorit, Meta e humbi të drejtën për të qëndruar në zyrën e tij.
“Dje Ilir Meta e ka shkruar fatin e tij si një president që e ka humbur të drejtën të qëndrojë në këtë zyrë dhe jo sepse kështu them unë, por sepse kjo që shikoni është dhe do jetë pasqyra e një të vërtete do t’iu bëhet shumë e qartë. Kjo luftë nuk është për bashkitë.
Gjithë kjo orvatje për ta çuar Shqipërinë në orvatje nuk bëhet për disa bashki por sepse kërkohet një pazar për të varrosur Reformën në Drejtësi, kërkohet rrëmujë për të goditur të vetmen forcë që do të jetë mbështetësja e Reformës në Drejtësi dhe e zbatimit të saj për të kaluar nga ligjet te gjyqet. Ilir Meta mund të bëj një dekret për t’i shpallur luftë Amerikës por kjo është e palogjikshme”, tha Rama.
“Do apo s’do Saliu, do apo s’do fallxhorja, zgjedhjet do mbahen në 30 qershor. Kushtetuta nuk është filxhan që e rrotullon nga të duash”, theksoi Rama. /tesheshi.com/
