Drejtori i përgjithshëm për politikat e zgjerimit në Bashkimin Evropian, Christian Danielsson, i dërguari i radhës i Brukselit për një zgjidhje të krizës shqiptare, ka qenë njëherësh dhe i dëshpëruesi i radhës, sidomos me opozitën, për rrugën e kësaj të fundit të zgjedhur në betejën politike.
Pas një takimi si me Ramën e si me Bashën, ai deklaroi “Bojkotimi i parlamenti nuk është në përputhje me demokracinë”.
“Nuk dëgjova ndonjë lëvizje që mund t’i çojë ata drejt dialogut”, shtoi Danielsson
Ai vijoi duke thënë se “Shpesh në të shkuarën ju kemi kërkuar partive ta bëjnë integrimin mision kombëtar. Fatkeqësi që vendi të jetë në një kurth pasigurie politike”.
“Kjo situatë aktuale politike në Shqipëri, nuk ndihmon fare për procesin integrues. Ja bëmë të qartë edhe opozitës, se fakti që nuk është në parlament nuk ndikon pozitivisht progresin e bërë”, tha zyrtari i lartë i BE-së.
Siç dhe zyrtarë te tjerë para tij, Danielsson e refuzoi qartë dhe prerë aktin e opozitës me djegin e mandateve.
“Në takimet e sotme kam qenë shumë i qartë. Opozitës i kam theksuar që vendimi i tyre për të djegur mandatet minon rrugën drejt BE-së. Parlamenti është shtylla e shtetit dhe aty duhen diskutuar të gjitha çështjet e rëndësishme. Ky bojkot është kundërporoduktiv”, tha zyrtari i lartë i Brukselit. /tesheshi.com/
