Albin Kurti do tentojë marrjen sërish të kreut të Vetëvendosjes, lëvizjes politike të cilën vetë e themeloi, vetë e faktorizoi, vetë e lëshoi më pas nga drejtimi, por që tani po rrezikon përçarjen brenda saj. Kjo është bërë e ditur nga Erzen Vraniçi, anëtarit të Këshillit të Përgjithshëm i VV-së, që shkruan se “Komisioni i Përgjithshëm zgjedhor e miratoi pas verifikimeve deklaratën e kandidimit, e grumbullimi i nënshkrimeve ka nisur zyrtarisht”.
Me gjasë, në zgjedhjet që do zhvillohen pas dy muajsh, Kurti do jetë përballë Dardan Molliqajt, njeriu që i është rebeluar dhe kthyer kundër.
Kriza në VV, e para që nga themelimi i saj, erdhi çuditërisht pas një triumfi politik të kësaj force në zgjedhjet vendore, ku pasi rimorri Prishtinën, fitoi dhe Prizrenin. /tesheshi.com/
