Presidentja e Kosovës Vjosa Osmani tha të enjten se vendi i saj është i gatshëm të mbajë zgjedhje të reja në veri të Kosovës.
Ajo u tha këtë gazetarëve pas një takimi me presidentin serb Aleksandar Vuçiç, presidentin francez Emmanuel Macron, kancelarin gjerman Olaf Scholz dhe kryediplomatin e BE-së Josep Borrell në periferi të samitit në Moldavi, raporton Reuters.
Bisedimet u mbajtën si pjesë e përpjekjeve ndërkombëtare për të zbutur krizën në veri të Kosovës, e cila shpërtheu në dhunë të hënën, duke plagosur 30 paqeruajtës të NATO-s.
Macron tha më parë se zyrtarët evropianë kërkuan që të sqarohen rregullat elektorale për zgjedhjet e ardhshme.
“Ne mbështesim plotësisht të gjithë të lënduarit, mbi të gjithë ushtarët e NATO-s. I kemi bërë thirrje të dyja palëve që të organizojnë zgjedhje të reja sa më shpejt në katër komuna [në veri të Kosovës] dhe në to të marrin pjesë përfaqësues të nacionalitetit serb”, u tha Macron gazetarëve.
Ai ka raportuar se Vuçiç dhe Osmani janë pajtuar që në javët në vijim do të ketë “vendime të qarta” për situatën në veri të Kosovës. /tesheshi.com/
