Një servis makinash në Austri, në Carinthia, nuk mund të gjejë punëtorë, megjithëse ofron një pagë 3000 euro dhe një javë pune që zgjat vetëm katër ditë.
Aleksandër Vrusnig, 37 vjeç, pronar i autoservisit, aktualisht ka pesë të punësuar dhe siç thotë, ka kohë që kërkon edhe dy persona të tjerë.
“Unë ofroj punë katër ditë në javë, dmth 30 orë, e paguaj të njëjtën pagë, 1000 euro, me kontratë kolektive, por askush nuk përgjigjet. Pyes veten se si t’i motivoj më shumë punëtorët”, thotë ky i ri austriak.
Pandemia ka çuar në mungesë të punëtorëve të trajnuar në treg, veçanërisht zanatçinjve, duke e bërë gjithnjë e më të vështirë për punëdhënësit gjetjen e punëtorëve.
“Më duket se janë gjithnjë e më pak punëtorë që po kuptojnë se mund të punojnë më pak dhe të kenë më shumë kohë të lirë. Kam dy vjet që kërkoj punëtorë, ishin nja dy, por nuk qëndruan shumë. Situata në shërbimet e tjera nuk është më e mirë. Ka pak njerëz të rinj, të trajnuar dhe pothuajse askush nuk u përgjigjet ofertave,” tha Aleksandri për mediat lokale.
Edhe Vjenës i mungojnë edhe punëtorët e kualifikuar.
Rreth 60 për qind e kompanive janë të prekura sepse nuk gjejnë dot punëtorët që u nevojiten në treg.
Aleksandri po përballet me një problem tjetër të madh. Punëtorët vijnë tek ai, i nënshtrohen trajnimeve, mësojnë një punë dhe më pas shkojnë të punojnë në kompani më të mëdha.
“Ata vijnë këtu vetëm për të marrë njohuri dhe pastaj shkojnë në një sistem më të madh,” tha ai. /tesheshi.com/
