Kandidati i pamundur për kryetar të PD-së, Astrit Patozi, njëherësh kritik i ashpër i kreut “të vetëngrirë” Basha, e ka akuzuar sërish këtë të fundit për këtë veprim, që sipas tij ishte një shamngie jo e denjë nga dhënia e dorëheqjes
“Dorëheqja në rast humbjeje të zgjedhjeve për kryetarin e një force të madhe politike si PD është një standard i botës demokratike, një ligjësi politike, aq më tepër kur humbja e PD është një humbje katastrofike. Mosdorëheqja e Bashës, si një akt individual, është një mungesë e jashtëzakonshme përgjegjësie”, tha Patozi për DW.
Më tej, ai ka denoncuar atë që e quan garë farsë për zgjedhjen e kryetarit të ri, duke theksuar se ai është i paracaktuar
“Jemi në një garë farsë të zgjedhjes së kryetarit të PD, pasi rezultati është i paracaktuar. Eduard Selami i shërben Bashës për të legjitimuar një proces që nuk është legjitim. Jemi në një situatë shumë të rëndë në PD”, tha Astrit Patozi.
Qëndrimet e tij janë një pasqyrim i krizës së rëndë që ka mbërthyer partinë më të madhe opozitare pas humbjes katastrofike në zgjedhjet e 25 qershorit. /tesheshi.com/
