Komisioni Ekonomik dhe Social i KB për Azinë Perëndimore (ESCËA) ka njoftuar se vendet e Gjirit do të përballen me një sfidë të madhe në sigurinë ushqimore, për shkak të varësisë së tepërt nga importi i ushqimit, pasi kufijtë shtetërorë në të gjithë botën janë të mbyllura. Vendet e Gjirit importojnë 80% të ushqimit, dhe duke pasur parasysh alternativat shumë të pakta, kjo i vë këto vende në rrezik të madh.
Kjo ka shtyrë qeveritë e vendeve të Gjirit për të planifikuar një strategji të re të sigurisë ushqimore. Ministrat e tregtisë të vendeve anëtare të Organizatës së Bashkëpunimit të Gjirit u takuan në 9 prill për të diskutuar një përpjekje të përbashkët për të lehtësuar ndikimin ekonomik nga pandemia koronare. Fokusi i diskutimeve ishte në bashkëpunimin në fushën e rezervave strategjike të mallrave dhe në “ligjin e ushqimit” në nivelin e anëtarëve të Organizatës.
Rritja e varfërisë
Sipas vlerësimeve të ESCW, 8.3 milion njerëz do të vuajnë nga varfëria për shkak të efekteve të virusit koronar, ndërsa dy milion mund të vuajnë në rajon për shkak të furnizimit të pamjaftueshëm të ushqimit.
Isa el-Garir, kryetari i bordit të drejtorëve të “El-Garir” në një prononcim për Independent Arab, tha se kriza e shkaktuar nga pandemia koronare ka shkaktuar ankth dhe se ato vende do të duhet të fillojnë prodhimin vendas të ushqimit.
Prodhimi bujqësor arab ka rënë
Sipas një raporti të KB me titull “Vizioni Arab 2030: Prospektet për Përmirësimin e Sigurisë Ushqimore në Rajonin Arab”, siguria ushqimore, varfëria dhe prodhueshmëria e ulët bujqësore janë ndër sfidat me të cilat përballet siguria ushqimore në rajonin arab, duke pasur parasysh mungesën e tokës bujqësore.
Mbështetja e ushimit te importi mbetet një nga sfidat kryesore me të cilën do të përballet bota arabe edhe pas vitit 2030.
Raporti tregoi se kërkesa për ushqim në rajonin arab tejkaloi prodhimin e brendshëm bujqësor, për shkak të një shkalle vjetore të rritjes së popullsisë në rajon, e vlerësuar në 2 përqind mbi mesataren globale prej 1.1 në 100 përqind, me rritje të ngadaltë të të korrave.
Raporti thotë se është e mundur të rritet prodhimi i të korrave duke zgjeruar tokën e punueshme ose duke rritur rendimentet, me disa përjashtime siç është Sudani, një vend për të cilin theksohet se ka pak hapësirë për zgjerimin e tokës së punueshme për shkak të mungesës së tokës së përshtatshme dhe disponueshmërisë së kufizuar të burimeve ujore.
Theksohet se rritja e prodhimit të drithërave në rajon është 37 përqind, krahasuar me 95 përqind në botë. Raporti paralajmëron gjithashtu se kërkesa për ushqim në rajonin arab do të vazhdojë të jetë mbi prodhimin vendas në 2030. Kjo do të jetë pjesërisht për shkak të rritjes së shpejtë të popullsisë dhe rritjes së ngadaltë të rendimentit, me vonesë të prodhimit të brendshëm dhe kërkesës së rritur për konsum, në mënyrë që rajoni të vazhdojë të varet nga tregu global për të përmbushur nevojat themelore të ushqimit.
Kujtojmë se dhe bota arabe, grurin e importon nga Rusia, një hambar ku furnizohet dhe Shqipëria.
Në vitet ’60-ta, në kulmin e miqësisë shqiptaro-ruse, udhëheqësi i atëhershëm sovjetik Hrushovi, i cili vizitoi Shqipërinë, promvoi tezën ekonomike “ju mbillni agrume, grurin jua sjellim ne”. Dhe vërtet, ishte kjo tezë e tij që jugu i vendit nisi mbjelljen e agrumeve fill pas vizitës aty të ish-udhëheqësit komunist rus.
Më vonë, pas prishjes së marrëdhëniëve mes Moskës dhe Tiranës, kjo tezë e Hrushovit konsiderohej si hileqare. Por në finale, vërtet jugu i Shqipërisë u bë hambar agrumesh, nga i cili përfiton dhe sot. /tesheshi.com/
