Kuvendi i Kosovës arriti të shpallë gjendjen e emergjencës së energjisë në vend, duke mbështetur vendimin e qeverisë për masat emergjente për kufizim të furnizimit. Vendimi nënkupton që bëhet i ligjshëm reduktimi i energjisë elektrike.
Miratimi u mundësua me 57 vota për, 17 abstenime dhe asnjë kundër. Masat emergjente do të vlejnë për maksimalisht 60 ditë. Ato përfshijnë vendosjen e kufizimit në furnizim me energji për konsumatorët dhe vendosjen e obligimeve të veçanta për ndërmarrjet e energjisë.
Gjithashtu parashihet themelimi i një Komiteti Teknik Emergjent me qëllim të identifikimit dhe paraqitjes së rekomandimeve te Ministrja e Ekonomisë. /tesheshi.com/
