Një kapiten veteran i Luftës së Dytë Botërore, Tom Moore nga Britania e Madhe, 99-vjeç, ka vendosur të ndihmojë sistemin e shëndetit britanik (NHS) duke mbledhur para.
Ai i vuri qëllimin vetes për të mbledhur 1 mijë paund brenda një ditë, por gjithçka doli tej parashikimit, pasi arriti të mbledhë miliona në vetëm disa orë, dhe ky numër është akoma në rritje.
Vajza e tij, Hannah Ingram-Moore, i tha BBC-së se e gjithë familja mendonte se një mijë paund do të ishte një detyrë e vështirë, dhe askush nuk ëndërronte për këto shuma.
“Asnjëherë nuk kemi ëndërruar të kapërcejmë 4 milion paund. Nuk ka fjalë dhe një mënyrë për të falënderuar publikun britanik për mbështetjen ndaj Tom. Ne jemi të nderuar, të habitur dhe krenarë”, tha ajo.
Tom do të festojë ditëlindjen e tij të 100-të në 30 prill.
Ellie Orton, Shefe e Donacioneve në NHS falënderoi Tom dhe të tjerët për shumën e jashtëzakonshme të parave që ai mblodhi.
Më shumë se 325,000 njerëz morën pjesë në aksionin e nisur nga Tom. /tesheshi.com/
