Kriza Arabi Saudite – Katar është reflektuar dhe në ngjarjen e Haxhit
Doha akuzon Riadin se ka ndaluar 1200 shtetas të saj haxhilerë, për të mbërritur në vendin e shenjtë, edhe pse ishin në rregull me të gjitha detyrimet.
Abdullah Al-Qabi nga Komiteti Shtetëror i të Drejtave të Njeriut i Katarit tha se Arabia Saudite ka mbyllur një sistem elektronik që përdorin agjencitë e udhëtimit për të marrë leje për pelegrinët nga Katari.
“Qytetarët Katarit nuk kanë ndonjë mundësi për të udhëtuar për në Haxh këtë vit. Regjistrimi i pelegrinëve nga Katari mbetet i mbyllur dhe ata nuk mund të marrin vizë, sepse nuk ka lidhje diplomatike”, shtoi Al-Kaabi.
Ndërsa një zyrtar saudit tha se Katari në të vërtetë bllokoi disa lidhje regjistrimi të ngritur për pelegrinët e saj.
Nga ana tjetër, një zyrtar i Ministrisë së Haxhit të Arabisë Saudite, tha se një grup pelegrinësh nga Katari arriti në Mekë, por nuk specifikoi numrin e saktë dhe procedurat e udhëtimit direkt nga Katari.
Arabia Saudite dhe tre vende të tjera arabe kanë ndërprerë lidhjet me Katarin në qershor të vitit të kaluar, duke akuzuar vendin për financimin e terrorizmit, të cilin Doha mohon.
Arabia Saudite pohon se pelegrinët nga Katari në Arabinë Saudite mund të arrijnë me ndonjë linjë ajrore tjetër përveç Qatar Airëays që është e bllokuar. /tesheshi.com/
