Ministri gjerman i Shëndetësisë Jens Spahn tha se ishte i hapur ndaj idesë së përdorimit të vaksinave ruse dhe kineze në luftën kundër COVID-19 në vendin e tij, mes një debati mbi disponueshmërinë e vaksinave në Evropë.
“Nëse vaksina është e sigurt dhe efektive, pa marrë parasysh se në cilin vend prodhohet, atëherë, natyrisht, ajo mund të ndihmojë në luftën kundër pandemisë,” i tha ai Frankfurter Allgemeine Zeitung.
Vaksina do të duhet të kalojë nëpër një proces normal të autorizimit dhe një kërkesë për aprovim në Bashkimin Evropian tashmë është dorëzuar në Agjencinë Evropiane të Barnave (EMA).
Rusia njoftoi të premten se mund të furnizonte BE me 100 milion doza të vaksinës Sputnik V në tremujorin e dytë, e cila do të ishte e mjaftueshme për të vaksinuar pesëdhjetë milion banorë të BE.
Ka pasur një mosbesim të gjerë ndaj vaksinës ruse që kur u njoftua se ajo u prodhua në mes të gushtit, pasi nuk kaloi një provë të plotë klinike. /tesheshi.com/
