Qeveria do e prekë çmimin e energjisë vetëm për ata konsumatorë familjarë që kalojnë 800 kwh në muaj konsum.
Në paraqitjen e paketës së re antikrizë, kryeministri Rama paraqiti dhe një ndër masat në kuadër të krizës energjitike
“Jemi i vetmi vend që ka marrë vendim të prerë për të mos e prekur çmimin e energjisë për familjarët. Kemi mbi 90% konsumatorë familjarë që konsumojnë më pak se 800 kwh dhe kemi një numër konsumatorësh rreth 6 ose 7% që konsumojnë më shumë se 800 kwh. Flasim për konsumatorë familjarë me vila, pishina, me oborr të madh,
ndriçim dekorativ për të cilët nuk mund të paguajë më buxheti i shtetit dhe taksapaguesit. Çdo kw mbi 800 do të paguhet me çmimin e tregut. Me këtë synojmë një presion për të ulur konsumin e tepërt në kushte krize. Sikundër e kemi përsëritur disa herë”, tha Rama.
Por sa konkretisht do paguanjnë ata që konsumojnë mbi 800? Përgjigjen e dha ministrja Balluku, duke thënë se të gjithë ata që shpenzojnë më shumë se 800 kwh do të paguajnë një tarifë prej 42 lekësh më shumë.
Çmimi do të aplikohet 35 lekë për kwh, për çdo kilovat mbi fashën e caktuar 800 dhe 7 lekë tarifa e transmetimit dhe shpërndarjes.
Balluku theksohet se kriza energjetike sa vjen e thellohet.
Konsumi i fashës 800 kwh përfshin pajisjet shtëpiake me aktivitet normal gjatë muajit, tha Balluku
Duke vendosur këtë fashë nga 1 tetori deri në dhjetor të vitit 2023 ministrja u shpreh se do kursejmë 100 milionë euro. /tesheshi.com/
