Zëdhënësi i Pentagonit, Kolonel Robert Manning, duke komentuar mbi zhvillimet më të fundit në marrëdhëniet midis Shteteve të Bashkuara dhe Turqisë, tha se Turqia është një aleat i afërt brenda NATO-s.
“Me këtë rast dëshiroj të theksoj se Turqia është një partner i fortë i koalicionit dhe aleati ynë i ngushtë në NATO. Dëshiroj të vërtetoj faktin se zhvillimet e fundit nuk ndikojnë në operacionet tona dhe stafin vendor,” tha Manning në një konferencë shtypi.
Ai vuri në dukje se ngjarjet e fundit nuk kanë ndikuar në aktivitetet e ushtrisë amerikane në territorin e Turqisë.
“Strukturat e Forcave Ajrore turke në bazën Inçirlik po vazhdojnë të luajnë një rol të rëndësishëm në kuadrin e NATO-s dhe koalicionit ndërkombëtar. Operacionet tona kundër ISIS, që do të nisen nga Incirlik dhe baza të tjera në Turqi, vazhdojnë të kryhen me mbështetjen e plotë dhe bashkëpunim të ngushtë të aleatit tonë, Turqisë”, tha Manning.
Autoritetet amerikane njoftuan të shtunën se ata kanë pezulluar lëshimin e vizave në zyrat diplomatike dhe konsullore në Turqi dhe se kjo është një masë rivlerësimi të marrëdhënieve të Turqisë me çështjet e sigurisë së zyrave diplomatike dhe personelit. Turqia u përgjigj me të njëjtën masë dhe pezulloi lëshimin e vizave për misionet diplomatike në Shtetet e Bashkuara. /tesheshi.com/
