Një zyrtar i BE tha se AstraZeneca ishte tërhequr nga një takim i planifikuar për të mërkurën mbi rezervat e vaksinës COVID-19, sipas Reuters.
Javën e kaluar, AstraZeneca i tha BE se po ngecte në synimeve të saj të furnizimit me vaksina për shkak të problemeve në procesin e prodhimit.
Me probleme të ngjashme që dalin me prodhimin e vaksinës Pfizer, BE tha që tani e tutje, kompanitë që prodhojnë vaksina në bllok do të duhet të “japin njoftim të hershëm sa herë që duan të eksportojnë vaksina në vendet e treta”.
Siç u përmend më parë, Bashkimi Evropian po i kërkon AstraZeneca-s të shpallë kontratën që nënshkroi me bllokun evropian për shpërndarjen e vaksinave kundër COVID-19 pasi CEO i kompanisë Pascal Sorio zbuloi klauzola konfidenciale, tha një zyrtar i BE në konfidencialitet.
Në një intervistë me të përditshmet ditën e djeshme, Sorio tha se marrëveshja me BE ishte e bazuar në një klauzolë të synimeve më të mira dhe nuk e lidhte kompaninë me një datë të caktuar dorëzimi, njoftoi Reuters.
Intervista pasoi njoftimin e kompanisë për një reduktim të furnizimit të vaksinave të BE në tremujorin e parë.
Një zyrtar i BE tha se klauzola e synimeve më të mira është standarde në kontratat me prodhuesit e produkteve në zhvillim. /tesheshi.com/
