Krerët e qeverive të gjashtë vendeve të Bashkimit Evropian i kanë kërkuar Brukselit të miratojë një “mekanizëm korrigjues” për t’i dhënë fund shpërndarjes “së padrejtë” të vaksinave të koronavirusit midis anëtarëve të BE.
“Unë mendoj se është e rëndësishme të gjendet një zgjidhje teknike me Komisionin Evropian dhe Këshillin Evropian, në mënyrë që të shpërndahen doza shtesë të vaksinave atyre te ata që u është bërë padrejtësi në këtë drejtim,” tha kancelari austriak Sebastian Kurz në Vjenë pas një takimi me kryeministrat e pesë vendeve.
Kryeministri i Republikës Çeke Andrej Babis, slloveni Janez Janša dhe bullgari Bojko Borisov ishin në Vjenë të martën, ndërsa kryeministri i Kroacisë Andrej Plenkoviç dhe letonezi Arturs Krisjanis Karins morën pjesë në takim përmes lidhjes video.
Kurz tha se Bullgaria deri më tani ka marrë vetëm një të tretën e dozave të planifikuara të vaksinave në lidhje me popullsinë, megjithëse marrëveshja e BE ka qenë shpërndarja e vaksinave në proporcion me popullsinë.
“Më thanë që vendet anëtare të BE duhet të përmbahen nga përdorimi i vaksinave kineze dhe ruse,” tha kryeministri bullgar, vendi i të cilit, si Republika Çeke, po përballet me një valë të re, të fortë të koronavirusit.
Borisov shtoi se “lëmosha” nuk kërkohet, por se padrejtësia korrigjohet.
Jansa paralajmëroi Brukselin për një krizë të mundshme politike nëse një situatë e tillë vazhdon.
Një “ofensivë” kundër sistemit aktual të shpërndarjes së vaksinave në BE u nis nga Kurz javën e kaluar, pasi ai po përballet me pakënaqësi në rritje nga qytetarët në Austri. /tesheshi.com/
