Pasagjerët e një avioni që katër vjet më parë kanë udhëtuar nga Kievi për në Stamboll, duhet të ndihen të lumtur që janë në jetë, pasi për pak kanë qenë duke shkuar në atë botë. Kjo sepse avioni me të cilin po fluturonin ka qenë në shënjestër për t’u goditur në qiellin e Rusisë, nga forcat ajrore turke. Fakti zbulohet së fundi, nga një dokumentar kushtuar Presidentit Putin.
Në hapje të Lojrave Olimpike Dimërore të Soçit në Rusi, Putin është informuar se në një avion turk, Pegasus Boeing 737-800, një pasagjer po kërcënonte pilotët me një bombë në dorë për t’u ulur në Soçi, teksa po organizohej ceremonia e hapjes së Lojrave.
Dhe, gjatë diskutimeve me oficerët e sigurimit se si duhej zgjidhur kjo situatë, Putin është informuar mbi reagimin standart në këtë rast: rrëzimi i avionit.
“U thashë atyre: ‘veproni!’”, tha Putin në dokumentar, por që më pas vendimi për zjarr u anollua nga një telefonatë që i bënte me dije se lajmi ishte i rremë, pasi personi në avion ishte thjesht një i dehur.
Por prirja ka qenë për t’u besuar pasi në atë kohë Rusia sapo kishte aneksuar Krimenë dhe ishte në një përplasje edhe të armatosur me krahun anti-rus të Ukrainës. Në bordin e avionit ndodheshin 110 pasagjerë. /tesheshi.com/
