Gjermania dhe Franca do të nxisin Bashkimin Europian të përshpejtojë punën në menaxhimin e krizës së emigrantëve dhe të krijojë më shumë unitet për të përballuar krizën që sa vjen e përkeqësohet, ndërsa Berlini ka shtuar ankesat se po merr përsipër barrën më të rëndë.
Kancelarja gjermane, Angela Merkel dhe presidenti francez, François Hollande takohen të hënën e ardhshme në Berlin për të diskutuar këto problematika si dhe përshpejtimin e ndihmës për mijëra refugjatë, shumë prej të cilëve rrezikojnë jetën në udhëtime të gjata e ta pasigurta në detin Mesdhe.
Ndihma për refugjatët është diskutuar edhe nga ministrat e Brendshëm të këtyre dy vendeve, e ministry gjerman, Thomas de Maizière pranoi një ditë më parë domosdoshmërinë për të lëvizur më shpejt përballë një krize që nuk ndalet.
“Eshtë e papranueshme për institucionet europiane të vijojnë të punojnë me këtë ritëm që po punojnë”, tha ai, pasi më herët kishte njoftuar se Gjermania pritet të marrë një numër record prej 800 mijë kërkesash nga refugjatët dhe azilkërkuesit këtë vit. /tesheshi.com/
