Bashkimi Europian thërret në Tiranë ministrat e gjashtë vendeve të Ballkanit për të ndarë “racionin” e refugjatëve që janë grumbulluar në kufirin grek prej muajshSamiti do të zhvillohet të mërkurën dhe të enjten pra më 30 dhe 31 mars.
Komisioneri i BE-së për migrimin do të dërgojë në samit një emisar të tijin që do të flasë për secilin vend dhe pë të krijuar një urë bashkëpunuese dhe jo kufij të mbyllur dhe ura.
Zyrtarisht ky samit është mbledhur për çështjen e Samitit të Berlinit, pra për projektet që do të mbështesin vendet e Ballkanit. Por pikërisht më 31 mars, Brukseli do të bëjë të ditur kuotat që do të marrë Shqipëria dhe çdo vend tjetër i rajonit. Me insistimin e Shqipërisë, në samit do të marrë pjesë edhe Kosovë në nivelin e ministrit të Jashtëm në detyrë, Petrit Selimi.
Ndërkaq, zyrtarisht ky samit do të “mbulohet” me axhendën e Berlinit.
Katër muaj më vonë pritet të mbahet në Paris takimi mes vendeve të Ballkanit Perendimor dhe BE-së, i cili do të jetë dhe takimi i tretë i këtij lloji pasi atij në Berlin dhe Vjenë.
Të pranishëm në samitin e Parisit, i cili do të vendosë dhe disa piketa për takimin qe pritet të mbahet në korrik në Francë, do të jenë dhe komisioneri i BE-së për Negociatat e Zgjerimit, Johanes Hahn, ministri i Jashtëm i Republikës Çeke, si dhe sekretari francez i Shtetit për Çështjet Europiane. /tesheshi.com/
