Policia në Hungari përdori gazin lotsjellës për të shpërndarë emigrantëtë që protestonin në një qendër pritjeje në kufirin me Serbinë.
Trazirat nisën në qendrën Roszke ndërsa Hungaria kishte njoftuar se po merrte në konsideratë sigurimin e kufirit me trupa ushtarake.
Pjesa më e madhe e këtyre njerëzve kanë për destinacion Gjermaninë. Kancelarja Angela Merkel u prit me protesta gjatë një vizite që zhvilloi në një strehë refugjatësh në vendin e saj.
Ajo u prit me protesta të aktivistëve të krahut të djathtë në qendrën e sapohapur në Heidenau, ku duhej të takonte banorët.
Ndërkaq, në Hungari vetëm në 24 orët e fundit kanë hyrë një numër rekord refugjatës, 2500 të tillë. Policia ka përdorur forcën kur një pjesë e tyre refuzuan të jepnin shenjat e gishtërinjve, ndërsa regjistroheshin nga autoritetet. Hungaria është duke ndërtuar një gardh mbrojtës kundër emigrantëve dhe është ndër shtetet e paktë në BE që ka refuzuar të strehojë refugjatët e luftës. /tesheshi.com/
