Kryeministri në krizë, Nikolla Gruevski, ja doli që të mbushë sallën e sporteve “Boris Trajkovski”, por nuk tha asgjë të re. Përkundrazi, përdori fraza të vjetra të llojit “Fuqia jonë është te populli”, ndërsa nuk munguan paralajmërimet për investime të reja, të cilat, ashtu siç tha, do të hapin 4.500 vende pune.
Edhe pse tubimi i ngjante atij të llojit elektoral , Gruevski tha se zgjedhje të parakohshme nuk do të ketë, as qeveri teknike, ndërsa siç theksoi, nuk e ka ndërmend të zëvendësojë Prokurorin Publik, që do të thotë se nuk do t`i nënshtrohet asnjë kërkese të opozitës.
Kundërshtarët, fjalimin e Gruevskit e cilësuan të mërzitshëm, duke e ilustruar këtë më fotot e zyrtarëve të cilët aspak nuk e dëgjonin, ndërsa për masitetin e tubimit, kanë akuzuar pushtetin se ka detyruar administratën të merr pjesë, për çka kanë sjellur dëshmi: fotografi të autobusëve të shumtë, shumica e të cilëve nuk kishin targa të Shkupit. /tesheshi.com/
