Kriza e rëndë në PD ka prodhuar një tjetër skenë fizike të padenjë. Në parlament, Berisha ka imponuar me forcë largimin e Alibeajt nga foltorja e atyshme dhe ky i fundit është tërhequr pa shumë rezistencë, njëherësh duke qëndruar stoik në kundërshtimin e tij në mbledhje grupi. Së fundi, Alibeaj e identifikoi Berishën me “zhurmën” në rastet e mbledhjeve të grupit.
Nga ana tjetër, kryeministri Rama tha se mazhoranca nuk ka asnjë pune më me
Berishën, duke e quajtur këtë të fundit si të vdekur politikisht. “Me Saliun ne nuk kemi punë. Saliu për ne është i vdekur politikisht dhe institucionalisht. Biologjikisht i urojmë jetë të gjatë. Me të vdekurin që e keni në mes të shtëpisë mos na ngatërroni. Nëse ju vendosni të drejtoheni nga një i vdekur, ne shkëpusim çdo marrëdhënie”, tha Rama.
Për momentin, çështja kryesore politike mes palëve është zgjedhja e një emri për Presidetin e ri. PS do të negociojë me PD-në, por kjo e fundit, si e ndarë në dy pjesë, nuk i përgjigjet dot. /tesheshi.com/
