Pritej prej ditësh një reagim ndërkombëtar mbi situatën e pazakontë të krijuar së fundit në Kuvendin e Kosovës, pikërisht në vendin ku ndërkombëtarët e kanë fjalën të parët për çdo gjë. Dhe, duhet të kalonin javë që kjo të ndodhte, ose ndryshe, duhet t`i dilte tymi tamam parlamentit që të vinte dhe reagimi i parë, ai amerikan.
Ka qenë pikërisht ambasadori Greg Delawie ai që ka deklaruar se veprimet e partive opozitare janë të dëmshme për vendin dhe demokracinë e Kosovës. Qëndrimet e tij u shprehën gjatë një takimi zyrtar me kryekuvendarin Kadri Veseli, ku numri 1 i Uashingtonit në Kosovë, e shprehur hapur përkrahjen ndaj tij si në rrafshin parlamentar
“Unë jam këtu për të shprehur përkrahjen time për Parlamentin e Kosovës. Ne kemi biseduar se sa e rëndësishme është për Kuvendin që të mbajë seancë nesër, në mënyrë që të miratohen ligje që janë të rëndësishme për mirëqenien e qytetarëve të Kosovës”, tha Delawie. /tesheshi.com/
