Kriza e Katalonjës mbërrin sot në senatin spanjoll ku pritet të diskutohet plani i qeverisë për të aktivizuar nenin 155 të Kushtetutës sipas të cilit kufizohen disa të drejta të rajonit. Ndërsa kriza është përshkallëzuar pas referendumit të 1 tetorit, vendosja e autoritetit në rajon nga ana e Madridit mund të sjellë konfrontime të reja.
Gjasat janë që të miratohen masat e emergjencës, ku përfshihet pezullimi i Presidentit katalanas. Parlamenti rajonal i Katalonjës, nga ana tjetër, po shikon mundësinë e shpalljes së pavarësisë. Debati ka nisur që më herët pasi Carles Puigdemont nuk shpalli zgjedhjet e reja, ashtu siç pritej gjerësisht dhe në vend të kësaj i bëri thirrje ligjvënësve katalanas t’i japin ata një përgjigje ngërçit të krijuar.
Ndërsa qytetarët presin zgjidhje për ngërçin e krijuar, ka nga ata që kërkojnë negociata me qeverinë qendrore, por pjesa më radikale kërkon shpalljen e pavarësisë. /tesheshi.com/
