Pritet që të gjithë anëtarët e Këshillit të Bashkëpunimit të Gjirit (GÇ), duke përfshirë Katarin, të marrin pjesë në samitin e radhës të këtij Këshilli në kryeqytetin saudit Riad njoftoi Zv/ministri i Punëve të Jashtme të Kuvajtit.
“Unë jam optimist dhe pres nivel të lartë përfaqësimi të vendeve të cilat do të tregojnë dëshirën e drejtuesve të GÇ për të ruajtur këtë projekt pionier”, tha Khaled Al-Jarallaha.
Ai tha se samiti, i planifikuar për në dhjetor, ofron një shpresë për ringjalljen e përpjekjeve për të zgjidhur mosmarrëveshjen e Gjirit që po zgjat më shumë se një vit.
Kuvajti është një ndërmjetës midis Katarit dhe një blloku shtetesh të udhëhequr nga Arabia Saudite, e cila ka imponuar një bllokadë ndaj vendin të vogël të Gjirit vitin e kaluar, duke përfshirë tokën, detin dhe ajrin.
Në qershor 2017, Arabia Saudite, Emiratet e Bashkuara Arabe, Bahreini dhe Egjipti, e cila nuk është anëtare e GÇ, pezulloi të gjitha marrëdhëniet diplomatike me Katarin. Këto katër vende e akuzojnë Katarin se mbështet “terrorizmin” dhe “ekstremizëm”, akuza që Doha kategorikisht i mohon dhe e quan bllokadën si me ndikim negative në sovranitetin e vendit.
Këshilli i Bashkëpunimit të Gjirit është një aleancë politike dhe ekonomike e gjashtë vendeve në Gadishullin Arabik: Bahrein, Katar, Kuvajt, Oman, Arabinë Saudite dhe Emiratet e Bashkuara Arabe.
Më parë këtë muaj, Emiri i Katarit, Sheikh Tamim bin Hamad Al Thani tha se i vjen keq për një konflikt të vazhdueshëm me shtetet e tjera arabe, por gjithashtu shtoi se “kriza të kalojë.”
Shtetet e Bashkuara, një aleat i GÇ, janë përpjekur të ndërhyjnë në konfliktin e Gjirit, pasi shohin rrezikun e përpjekjeve për të sfiduar ndikimin e aleancës rajonale të Iranit.
Katari është një nga bazat më të mëdha të Forcave Ajrore të SHBA në Lindjen e Mesme.
Por Arabia Saudite dhe Emiratet e Bashkuara Arabe kanë theksuar vazhdimisht se zgjidhja e mosmarrëveshjes nuk është në krye të listës së prioriteteve për ta.
Por kriza diplomatike e shkaktuar nga vrasja e gazetarit saudit Jamal Khashoggi në konsullatën saudite në Stamboll, ka bërë që Riadi të japë të tjera shenja drejt një paqtimi, apo thjesht ulje tensionesh. Princi i Kurorës Mohammed bin Salman, vlerësoi ekonominë e Katarit muajin e kaluar, diçka tejet befasuese.
Përpjekjet e SHBA për të bllokuar kërcënimet iraniane janë një përparësi kryesore për një grup shtetesh që i kanë bërë bllokadë Katarit, por Doha vazhdon të ndjekë marrëdhëniet diplomatike me Teheranin.
Më parë këtë vit, ministri i Mbrojtjes i Katarit Khalid bin Mohammed al-Attiyah tha se “Doha donte të kishtemarrëdhënie miqësore me të gjithë”.
Në tetor, kreu i Bahrenit Halid bin Ahmed Al Khalifa, tha se Këshilli i Sigurimit të Gjirit, ku duhet të marrë pjesë Egjipti, do të formohet vitin e ardhshëm.
Ai vuri në dukje se MESA (Aleanca Strategjike për Lindjen e Mesme) – një iniciativë mbështetur nga presidenti amerikan Donald Trump kundër Iranit – mbetet shtyllë e stabilitetit.
MESA konsiderohet ndryshe në Shtëpinë e Bardhë dhe si “NATO arabe”. /tesheshi.com/
