Kryeministri maqedonas Zoran Zaev është i gatshëm për të biseduar me të gjithë, duke përfshirë udhëheqësit e opozitës, në mënyrë që të arrihet një konsensus për ndryshimet në Kushtetutë në funksion të ndryshimit të emrit, në bazë të marrëveshjes së firmosur në Prespë në qershor me Athinën zyrtare.
“Qeveria është e autorizuar të paraqesë amendamentet e para kushtetuese. Si kreu i qeverisë konfirmoj gadishmërinë për t’u ulur së bashku që të punojmë për ndryshimet”, tha Zaev në Kuvend.
Sipas tij, qeveria sugjeron vetëm hartimin e një amendamenti, por nuk guxon të sjellë vetë ndryshimet.
Një nga ndryshimet që propozon është shtimi i mbiemrit “Veriore” pasi termit “Maqedoni”. Së dyti, shpjegoi Zaev, është theksimi i një vendimi të KAÇKM-së (Kuvendi Antifashist të Çlirimit Kombëtar të Maqedonisë) për të parandaluar ndonjë akuzat e ardhshme nga Greqia për aspiratat irredentiste.
Amendamenti i tretë i referohet paprekshmërisë së kufijve dhe mungesës së ambicieve territorial – sqaroi tha Zaev.
Qëllimi, shtoi ai, është që të arrihet një marrëveshje e cila do të çonte në një miqësi. Dhe kjo sipas Zaev, do të bënte që qeverisjet e ardhshme në Maqedoni ose Greqi, të punonin të qeta në këtë aspekt e mos ndjenin të tilla lloj bezdisjesh të ndërsjellta më sfond nacionalist.
“E përsëris se si shef ekzekutivi, jam i gatshëm që të ule, me të gjithë, duke përfshirë edhe udhëheqësit e VMRO-së për të arritur konsensus për këtë çështje”, tha Zaev.
Ndërkohë, as ditën e dytë të debatit për ndryshime kushtetuese, në përputhje me Marrëveshjen e Prespës për ndryshimin e emrit të ish-republikës jugosllave, e cila u nënshkrua Zaev dhe homologu i tij grek, Aleksis Tsipras, nuk pati përafrime qëndrimesh. Opozita vijon të mos e ndryshojë pozicionin e saj, edhe përkundër një presioni ndërkombëtar. /tesheshi.com/
