Në Chemnitz të Gjermanisë, më shumë se 65 mijë persona u mblodhën në një koncert kundër racizmit nën motoj “Ne jemi më shumë”, si reagim ndaj protestave të ekstremit të djathtë që kërkon dëbimin e emigrantëve. Shkak për këtë trazim të situatës është bërë vrasja e një gjermani nga dy emigrantë.
Koncerti anti-racizëm u mbështet nga krerët më të lartë të shtetit gjerman, përfshirë kancelaren Merkel. Dhe kjo e ka detyruar Matteo Salvinin e Lega-s italiane, nr.2 të qeverisë së Romës, që të shpërthejë kundër Merkelit, pas frontit të hapur dhe me Macron.
“Angela Merkel është e fundit që nënvlerëson mundësinë e shpërthimit të tensioneve në shoqëri dhe argumenton se në Gjermani ka vend për qindra e mijëra emigrantë”, tha Salvini në një intervistë me gjermane radio Deutsche Welle, duke komentuar incidentet që ndodhën në Chemnitz.
Sipas politikanit italian, më të zëshmit kohët e fundit kundër emigracionit, ka një vlerësim të gabuar të kancelares gjermane dhe qeveria së saj mbi aftësinë e vendit për të marrë kaq shumë refugjatë.
Nga ana tjetër, Merkel u ka bërë thirrje gjermanëve që të rebelohen kundër “urrejtje”, e cila, sipas mendimit të saj, nuk është i drejtuar vetëm kundër të huajve, por dhe kundër zyrtarëve politikë dhe gazetarëve. /tesheshi.com/
