Zyrtarët europianë thonë se nuk kanë një zgjidhje të thjeshtë për të menaxhuar krizën e emigracionit, pas një tjetër tragjedie në detin Mesdhe, ku më shumë se 400 persona u nxorën nga një barkë që po mbytej e ku numri i viktimave mbetet ende i paqartë.
Zëvendëspresidenti i Komisionit Europian, Frans Timmermans, shefja për Politikë të Jashtme, Federica Mogherini dhe ai për Emigracionin dolën me një deklaratë të përbashkët ku pranuan se nuk ka zgjidhje të vetme apo të lehtë për sfidat e emigracionit.
Sipas tyre, asnjë shtet nuk mund ta adresojë këtë problem i vetëm dhe duhet një qasje e re europiane.
Mbytja e anijes së fundit në Mesdhe u cilësua e para që pas katastrofës që mblodhi me urgjencë krerët e BE-së e ku ata ranë dakord të përshkallëzojnë përpjekjet e ndihmës në fund të prillit.
Deri nga ajo kohë, shumë pak gjëra kanë ndryshuar, sipas organizatave të të drejtave të njeriut të cilat bëjnë thirrje që BE të sigurojë viza emigrimi dhe bashkime familjare për azilkërkuesit.
Të paktën 100 mijë emigrantë kanë hyrë në Europë përmes Mesdheut deri tani për këtë vit, sipas shifrave të OKB-së. /tesheshi.com/
