Henriette H. Fore, Drejtore Ekzekutive e UNICEF-it, përcolli një letër për autoritetet vendimmarëse në këtë kohë krize pendemike, duke kërkuar hapjen e shkollave në të gjithë botën.
Sipas saj, nuk janë shkollat vatrat e përhapjes së infeksionit.
“COVID-19 ka prekur pothuajse çdo aspekt të jetës së fëmijëve, por ndoshta në mënyrë më dramatike arsimin e tyre. Ndërsa hyjmë në vitin e dytë të pandemisë COVID-19, rastet e infeksionit vazhdojnë të rishfaqen në të gjithë botën.
Ndërsa shkollat janë mbyllur, të paktën 463 milion fëmijë nuk kanë akses në mësimin në distancë dhe përkundër përpjekjeve tona më të mira, 24 milion fëmijë të tjerë rrezikojnë të dalin nga sistemi krejtësisht. Kjo do të kthejë dekada të punës së palodhur; tragjedi për fëmijët, komunitetet e tyre dhe vendet e tyre – pavarësisht nëse janë vende me të ardhura të larta, të mesme apo të ulëta.
Pavarësisht provave të qarta se shkollat nuk janë vatrat e pandemisë, shumë vende kanë vendosur të mbajnë shkollat të mbyllura për gati një vit. Pa ndërhyrje emergjente, kjo mund të zgjasë më shumë se dy vjet.
Fëmijët mbeten të privuar nga aftësia për të lexuar, shkruar, për të marrë njohuri matematikore bazë, si dhe njohuri për aftësi dixhitale të shekullit 21.
Po ashtu, pasojat janë në shëndetin e tyre mendor dhe zhvillimin shoqëror, pasi u mungojnë miqësitë dhe ndërveprimet e përditshme; por dhe në sigurinë e tyre – sepse mbylljet e shkollave i bëjnë ata më të ekspozuar ndaj abuzimit, dhunës dhe shfrytëzimit.
Prandaj, ne apelojmë tek të gjitha autoritetet që të sigurojnë që shkollat të qëndrojnë të hapura; të vendosen shkollat në radhë të parë në të gjitha planet lokale të rihapjes; dhe se të gjitha masat e përshkruara janë në përputhje me qëllim të zbutjes së të gjitha rreziqeve të ndërlidhura. Eshtë plotësisht e mundur të bëhet kjo.
Na takon neve në UNICEF të bëjmë atë që bëjmë më mirë”, thuhet ndër të tjera në apelin e gruas që drejton këtë organizatë të njohur ndërkombëtare. /tesheshi.com/
