Populli i Bjellorusisë ka ndryshuar dhe nuk do ta pranojë më Presidentin Aleksandër Lukashenko, rizgjedhja e diskutueshme e të cilit provokoi protesta masive në të gjithë vendin, tha liderja e opozitës Svetlana Tikhanovskaya.
Në një intervistë ekskluzive me Al Jazeera-n, Tikhanovskaya, e cili është në mërgim në Lituaninë fqinje, tha se Lukashenko duhet të tërhiqet dhe “se është më mirë për të gjithë”.
“Herët a vonë ai do të duhet të tërhiqet. Kjo është më mirë për të gjithë”, tha 37-vjeçarja Tihanovskaya.
“Njerëzit e Bjellorusisë kanë ndryshuar. Ata kurrë nuk do ta pranojnë më qeverinë e vjetër”, shtoi ajo.
Ish-republika sovjetike është tronditur për javë të tëra nga protestat antiqeveritare të organizuara menjëherë pas zgjedhjeve të mbajtura në fillim të këtij muaji, në të cilat Lukashenko krri një fitore dërrmuese duke fituar një mandat të gjashtë me radhë, por që u dyshua se mund të ketë manipuluar.
Kundërshtarja e 65-vjeçarit të fuqishëm thonë se zgjedhjet presidenciale të 9 gushtit ishin plot parregullsi dhe se për këtë aqrsye duhen zgjedhje të reja.
E pyetur nëse planifikon të kthehet nga mërgimi, ajo tha se dëshiron të kthehet në Bjellorusi, por nuk ndihet më e sigurt në vendin e saj.
“Unë jam i sigurt këtu në Lituani dhe nuk ndjehem i sigurt në Bjellorusi tani,” tha ajo, duke shtuar se kishte frikë për burrin e saj, blogerin në YouTube Sergei Tikhanovsky, i cili u arrestua pasi u përpoq të garonte në zgjedhjet presidenciale. /tesheshi.com/
