Një xhelozi tipike femërore është shfaqur së fundi në mes të zjarrit politik. Dhe kjo ndodh në PD, ku Jozefina Topalli nuk pranoi sot ishte krah Majlinda Bregut në takimin me zyrtarin amerikan. Dhe është plotësisht e kuptueshme dhe e arsyetueshme përse. Jozefina mund t’a tolerojë të qënit të Bashës-kryetar, meqë pas tij qëndron Berisha; por kurrsesi Majlindën e cila jepte lajmet e Tiranës kur ajo përballej dhe me plumba në Peshkëpi të Vlorës….
Eduart Selami, Jozefina Topalli dhe Majlinda Bregu dolën kundër vendimit të kryetarit të partisë së tyre, Lulzim Basha, për të bojkotuar zgjedhjet. Në të njëjtën ditë dhe në të njëjtën gjatësi vale, Selami tek Zëri i Amerikës, Topalli për Balkanëeb dhe Bregu në facebookun e saj, ata argumetuan pse ishin kundër, si dhe i kërkuan Bashës mbledhjen e grupit parlamentar demokrat. U duk sikur opozita brenda opozitës kishte qenë e fjetur deri në atë moment dhe të tre deputetët me peshë në këtë parti kishin dalë në një “strategji” mediatike për të kuptuar qëndrimin e tyre. Por në fakt ishte krejt një rastësi fakti që folën në një ditë; duket se nuk ka një opozitë të organizuar brenda PD-së, të tre ata, të cilëve iu bashkua dhe Astrit Patozi më pas në mbledhjen e grupit, kanë të njëjtin qëndrim por nuk janë bashkë në këtë rrugëtim që anon në anë të kundërt të udhës ku është futur Basha.
Të paktën dy prej kritëve të këtij grupi deputetësh, ku fati deshi të ishin pikërisht dy gra, janë dhe në një dualizëm të hapur ndaj njëra-tjetrës. Jozefina Topalli dhe Majlinda Bregu janë në rivalitet të hapur, edhe me ngjyrime tipike femërore, ku valenca e xhelozisë është pak më e madhe, edhe pse të dyja kritike të kryetarit Basha. Rivaliteti ishte nën rogoz deri sot kur do t’u duhej të uleshin pranë e pranë për të përfaqësuar rrymën kritike, ose mendimin ndryshe brenda PD-së para takimit të planifikuar nga Ambasada Amerikane me zëvendës ndihmës sekretarin e Shtetit për Evropën dhe Azinë, Hoyt Brian Yee.
Topalli vs Bregu
Deputetja e Shkodrës, ish-kryetare e Parlamentit në kohën e PD-së, refuzoi takimin në grup duke i kërkuar ambasadës amerikane një takim më vete me zyrtarin amerikan. Ajo e bëri këtë pasi mësoi se as deputeti tjetër Astrit Patozi nuk do të ishte në këtë takim, i cili ishte i pazakontë pasi dilte nga aghenda e takimeve zyrtare që kishte planifikuar zyrtari amerikan. Topalli, edhe pse ka kritikuar ashtu si Bregu, vendimin për të bojkotuar zgjedhjet, e distancoi veten hapur nga kolegia e saj.
Të njëtën gjë ajo bëri dhe pas nisjes së rebelimit në PD. Ajo u tërhoq pas deklaratës së bërë në media kur pa se pishtarin e rebelizmit e mori Bregu dhe Selami. Një intervistë të planifikuar për Top-Channel një ditë pas shpërthimit të kritikave në grupin e PD-së, Topalli e anuloi pasi nuk donte të ishte pjesë e kësaj valleje, të cilën kishte dashur mesa duket ta luante vetëm që në nisje.
Kjo është dhe arsyeja që ajo sot ka dashur të jetë e vetme para zyrtarit të ardhur ga Washingtoni, pasi nuk e konsideron veten si “patericë” të Bregut, ose ngase argumentet e saj për opozitën që po bën PD-ja nuk mbështeten në të njëjtin taban me ato të Bregut dhe pse konvergojnë në një pikë të përbashkët.
Dualiteti mes zonjave të bukura të selisë blu nuk lindi sot, ai ka qenë i hershëm që me hyrjen në PD të zonjës Bregu, e cila vinte nga shoqëria civile me prurjet e KOP-it të famshëm pak para zgjedhjeve të 2005-ës kur PD-ja erdhi në pushtet. Topalli, e cila i është bashkuar PD-së shumë më herët që në vitin 1996 dhe ka përjetuar 8 vitet e opozitës së saj të parë dhe më të vështirë, e konsideron veten pjesë të tabanit të kësaj partie duke ruajtur një lloj distancimi me të rinjtë që erdhën më vonë. Ajo ka qenë një emër favorit për kreun e PD-së dhe shihej si pasardhëse e Sali Berishës, për shkak të detyrave të larta që ka mbajtur si nënkryetare e PD-së, si e para kryeparlamentare grua dhe për lidhjet e forta me bazën.
Nga ana e saj, Bregu, ish-ministre e Integrimit dhe më pas kryetare e komisionit parlamentar të Integrimit, duket se nuk është ndikuar nga sjella e koleges së saj. Ndryshe nga ajo, Bregu që pas ditës kur shpërtheu në facebook kundër Bashës ajo ka vijuar të mbajë të njëjtin qëndrim brenda mureve të partisë dhe jashtë saj në media e publik duke i mëshuar fort kundërshtimit të bojkotit të zgjedhjeve nga ana e opozitës, dhe duke kritikuar sjelljen anti-europiane të partisë së saj.
Bregu dhe Topalli janë dy zëra kritikë të linjës zyrtare të opozitës që do të dëgjohen sot nga veshët amerikanë; por për fat të keq ato do të flasin veç e veç duke treguar se nuk ka një linjë të organizuar politike brenda partisë më të madhe opozitare që mund të ndikojë në ndryshimin e opozitës ndaj zgjedhjeve; por ka dy deputete gra që nuk e duan Lulzim Bashën…por edhe më tej nuk duan asnjëra tjetrën. /tesheshi.com/
