Përfaqësuesi i Lartë i Bashkimit Evropian Josep Borell ka mohuar që shërbimi i tij ka hequr dorë nga presioni ndaj Kinës dhe ka zbutur një raport që kritikon rolin e saj t në promovimin e dezinformatave për virusin koronar.
Një artikull i 24 prillit në New York Times shkruajti se zyrtarët e BE “zbutën kritikat ndaj Kinës” në një raport mbi mënyrën sesi qeveritë promovojnë dezinformime pandemike sepse ata ishin “të shqetësuar për pasojat” nëse raporti do të zemëronte një nga më të mëdhenjtë partnerët tregtarë të Unionit.
Një artikull i bashkangjitur në shkëmbimin e postave elektronike të brendshme në Shërbimin e Veprimit të Jashtëm Evropian shkaktoi një trazim në Parlamentin Evropian, dhe eurodeputetët ishin të zemëruar që reputacioni i Unionit po vihej në dyshim.
“The Daily Thing”
Në një seancë të Komitetit të Punëve të Jashtme të Parlamentit Evropian (AFET) të enjten, pjesëmarrësit i kërkuan shefit të politikës së jashtme të BE Josep Borell që ta sqarojë këtë.
Në një konferencë video, Borell tha se gazeta e New York-ut krahasoi përmbajtjen e një raporti të destinuar për përdorim të brendshëm brenda Shërbimit Evropian të Veprimit të Jashtëm (EEAS), me një tjetër dokument të përgatitur për botim më të gjerë në faqen e internetit të këtij shërbimi.
Borell konfirmoi që Kina po ankohej për raportin, por tha se ky lloj kundërshtimi ishte një “çështje e përditshme” e diplomacisë dhe se Pekini nuk kishte absolutisht asnjë ndikim në të menduarit brenda këtij shërbimi të BE-së.
Shqetësimi kinez
Zyrtarët kinezë kanë shprehur shqetësim për kanalet diplomatike por teksti i postuar në faqen e BE-së është akoma kritik për Kinën dhe flet vetë, tha Borell.
“Sigurisht që ata nuk ishin të lumtur. Ata ende nuk do të jenë të lumtur. Nuk ka asnjë zbutje të gjetjeve,” tha Borell.
Ai theksoi se është politika e BE ndaj Pekinit për ta trajtuar atë si një partner kryesor, por edhe si një rival konkurrues dhe sistemik.
Ndërsa disa deputetë pranuan shpjegimin e Borell, të tjerë ishin kritikë. Disa kërkuan të shikonin të gjitha versionet e raportit.
“Sinqerisht shpjegimi juaj nuk më bind shumë. Kush ndërhyri, çfarë zyrtari kinez bëri presion, në çfarë niveli, çfarë lloj presioni? Unë mendoj se Evropa duhet të dijë ose të humbasë të gjithë besueshmërinë,” tha deputetja belge Hilde Wautmans.
Kritika e palës ruse
Raporti publik “Një vlerësim i shkurtër i narracioneve dhe keqinformimit”, në lidhje me koronavirusin, tregon, siç thonë autorët, prova të një përpjekje të koordinuar nga burime zyrtare kineze për të hequr çdo faj për shpërthimin e pandemisë dhe për të reklamuar njoftime dhe dërgesa të ndihmës dypalëshe.
Raporti gjithashtu thekson se zyrtarë kinezë dhe media shtetërore po përpiqen të mohojnë çdo përmendje të Wuhan-it si origjinën e Covid-19.
Raporti është më kritik për rolin e Rusisë në përhapjen e lajmeve të rreme në lidhje me virusin koronar, sipas AP. /tesheshi.com/
