Që në nisje të kritikave ndaj SPAK prej kryeministrit Rama, me shkak arrestimin e Erjon Veliajt, ky organ ka reaguar për herë të parë, jo me komente por me shifra.
SPAK ka publikuar një sërë të dhënash mbi çështjet penale që po heton, duke theksuar se masa e sigurisë “arrest me burg” nuk zbatohet në mënyrë abuzive.
Sipas të dhënave nga SPAK për vitin 2024, janë kryer hetime ndaj 629 personave.
Prej tyre, 236 persona (37.5%) janë hetuar nën masën e sigurisë “arrest me burg”, bazuar në nenin 238 të Kodit të Procedurës Penale.
246 persona (39.1%) janë hetuar në gjendje të lirë.
147 persona (23.4%) janë hetuar me masa të tjera sigurie.
Lidhur me të paraburgosurit, SPAK ka publikuar edhe raportin e Drejtorisë së Përgjithshme të Burgjeve për vitin 2024:
Numri total i personave në paraburgim është 2,791.
Nga këta, vetëm 270 persona (9.7%) janë të hetuar nga SPAK.
SPAK argumenton se veprimet e saj bazohen në ligj dhe në standardet e drejtësisë penale. /tesheshi.com/
