Ish-ministrja demokrate e Integrimit, e propozuar nga qeveria socialiste për të qenë ajo në krye Këshillit të Bashkëpunimit Rajonal – RCC si Sekretare e Përgjithshme e saj, e ka nisur misionin e saj të lartë diplomatik duke promovuar një tezë e cila ka në thelb dhe një kritikë ndaj BE-së, se si kjo e fundit e sheh integrimin e Ballkanit Perëndimor.
Ajo deklaroi në Vjenë se integrimi evropian i Ballkanit Perëndimor nuk duhet të jetë territorial, por një ndryshim radikal për pranimin e vlerave themelore evropiane.
Në fakt, gjuha e saj ka shkuar atje ku “dhemb dhëmbi”, te Serbia, te fakti që kjo e fundit është e përzgjedhur nga BE për anëtarësim para Shqipërisë, edhe pse çedon në shumë standarte.
Ndaj ajo zgjodhi të kujtojë, më e pakta, se serbët janë më pas të gjithë popujve të tjerë në rajon, ku veçojnë shqiptarët, si të afeksionuar pas BE-së.
Ajo tha se në bazë të një hulumtimi të vitit 2018, anëtarësimin në BE e duan më shumë qytetarët e Kosovës (84 përqind) dhe më pas ata të Shqipërisë (83 përqind), të Maqedonisë (59 për qind) dhe të Malitë të Zi (53 përqind). Ndërsa kur është fjala për Serbinë, është vendi i vetëm në rajon, theksoi znj. Bregu, përqindja më e madhe – 39 përqind – tregohen neutralë në aspektin e preferencës për anëtarësim në BE, ndërsa ata që e duan anëtarësimin janë vetëm 29 për qind.
Ndaj, diplomatja e Tiranës kërkoi që Brukseli të mos aplikojë politikën e datave, ku ata sipas saj ka një “ngatërrim radhe”, por të merret me standartet, duke lënë kështu të nënkuptuar se Serbia është shumë më pas
“Mënyra e komunikimit dhe vëmendja duhet të zhvendoset nga data e pranimit në BE, nga frika e pabazuar e zgjerimit apo e lodhjes nga zgjerimi, te transformimi i vërtetë demokratik i Ballkanit Perëndimor”, deklaroi Majlinda Bregu. /tesheshi.com/
