Ministrja e Jashtme gjermane, Analena Berbock e quajti një sfidë fotografinë e presidentit turk Erdogan në Teheran, së bashku me presidentin rus Putin dhe homologun e tij iranian, Raisi.
Analena Burbock, në intervistën e saj për Bild, u kërkua të komentojë foton përkatëse, duke thënë se “ky takim në Teheran na tregon se sa e rëndësishme është të kemi partnerë që jo vetëm thonë se besojnë në të drejtën ndërkombëtare, por edhe e vërtetojnë atë në praktikë. Sepse ka edhe nga ata që nuk kanë të njëjtat vlera si ne dhe që bashkohen”.
Dhe ajo ka vazhduar duke hedhur “kunja” drejt presidentit turk. “Fakti që presidenti turk është në këtë foto është një sfidë, për ta thënë me mirësjellje. Turqia po ofron ndihmë të konsiderueshme ushtarake për Ukrainën për të kundërshtuar agresionin rus. Prandaj kjo foto është më se e pakuptueshme për mua, sidomos nga pikëpamja e një anëtari të NATO-s”. /tesheshi.com/
