Kryeministri Rama publikoi emrin e njeriut që do bëjë kryenegociatorin në procesin e anëtarësimit në BE mes Tiranë dhe Brukselit. Sipas tij, ai ka kritikuar qeverinë, e kjo e bën dhe më të dinjitetshëm.
“Të gjithë duan integrimin e Shqipërisë në BE. Kemi ngritur edhe grupin negociator. Është momenti për ta thënë të emrin të kryenegociatorit, një personalitet pa të sharë, edhe pse nuk ka hezituar të kritikojë edhe qeverinë tonë, kjo është një arsye më shumë për ta përfshirë në këtë proces.
Një personalitet i diplomacisë shqiptare, i gjithë pranuar për dijen dhe aftësitë e tij, qoftë kur ka kryer misione, qoftë kur ka kryer detyra të rëndësishme, ambasadori Zef Mazi. Ai do të jetë kryenegociatori. Shpresoj me opozitën parlamentare dhe jo parlamentare dhe presidentin të japim të gjithë një kontribut”, tha Rama.
Kjo u deklarua prej tij në Konferencën për shtyp me ambasadorin Soreca, në kuadër të Ditës së Europës. /tesheshi.com/
