Ankthet e botës, përfshirë konfliktet e shumta, kanë qenë në qendër të Papa Franceskut gjatë fjalimit dhe lutjeve të tij në sheshin Shën Pjetër në Vatikan, me rastin e Krishtlindjeve.
“Paqe për burrat e gratë në Sirinë e trazuar, ku është derdhur shumë gjak. Mbi të gjitha në qytetin e Haepit, skenë përgjatë javëve të fundit e një prej betejave më të përgjakshme, ku është tejet urgjente që të garantohet, bazuar në të drejtat humane, ndihma dhe rehatia për popullin e raskapitur, që gjendet ende në një situatë të dëshpëruar dhe mes vuajtjeve të mëdha të mizorisë. Ka ardhur koha që armët të ndalen së gjëmuari dhe komuniteti ndërkombëtar të veprojë në mënyrë aktive për arritjen e një zgjidhjeje të negociuar dhe në atë vend të rikthehet bashkëjetesa”, tha kreu i botës katolike. Po ashtu, duke iu përkshtuar në fjalën e tij konflikteve në Lindjen e Mesme, ai nuk harroi të lutej dhe për paqë mes izralitëve dhe palestinezëve
“Izraelitët dhe palestinezët kanë kurajon dhe vendosmërinë për të shkruar një faqe të re të historisë së tyre, aty ku urrejtja dhe hakmarrja i lënë vendin dëshirës për të ndërtuar së bashku një të ardhme të të kuptuarit dhe harmonisë reciproke”.
I gjithë fjalimi i Papës para turmës së besimtarëve në Shën Pjetër, pati në qendër ankthet e botës. Ndërkohë që më herët, ai tha se Krishtlindjet janë marrë peng nga materializmi. Sipas tij, ato pak u shërbejnë njerëzve për t’iu afruar Zotit dhe nevojtarëve. /tesheshi.com/
