Nuk dihet nëse është thjesht një preferencë sipërfaqësore, apo një kalim i qartë në katolicizëm i çiftit Meta-Kryemadhi, të cilët janë shfaqur dhe njëherë në Katedralen e Shën Palit, duke ndjekur meshën e Krishtlindjeve.
Kujtojmë se Meta është një bektashi në origjinë – nga Skrapari, e Kryemadhi është një muslimane – nga Dibra.
Ndërkohë, presidenti është shfaqur së fundi dhe si fans i çmendur i Seltic-ut në Skoci, një ekip që ngërthen identitetin e fortë katolik, e ku si lojtarët e si tifozët, vështirë të mos jenë të tillë sipas një tradite shumëvjeçare që nga themelimi i klubit.
Ndërkohë, me prezencën e tij familjare në shtëpinë e katolikëve, kreu i shtetit është diferencuar nga grigja (bashkësia e besimtarëve).
Atij i është dhënë një karrike, duke qenë një hap para edhe familjes së vet pas, ku dhe brenda kishës pra, nuk është trajtuar si “gjithë të tjerët”; thënë ndryshe, i barabartë para Zotit.
Zgjedhja e çiftit Meta-Kryemadhi për të qenë anëtarë të bashkësisë katolike, së paku raste festash të tyre, i rreshton ata krah Ramës në “fenë zyrtare” të këtij të fundit, siç dhe vetë e ka pohuar. /tesheshi.com/
