Në mesazhin e tij për Krishtlindje, kreu i katolikëve shqiptare, Imzot George Frendo O.P. njëherësh Arqipeshkvi Metropolit i Tiranë Durrësit, ka bërë një lidhje mes të djeshmes të Jezusit e të sotmes, duke i mëshuar ca plagëve sociale.
Sipas klerikut të lartë, është pikërisht Jezusi që na mëson se se njeriu nuk ka pse të korruptojë njeri për të marrë atë që i takon.
“Me ardhjen e tij në botë Jezusi ka shtruar themelet për një dinjitet të ri për njeriun. Nga grazhdi Jezusi na urdhëron të respektojmë dinjitetin dhe të drejtat e çdo njeriu. Prandaj njeriu s’ka nevojë të afrojë një deputet që t’i ofrohet puna, s’ka nevojë të paguajë një kirurg në një spital publik që të bëjë një operacion, s’ka nevojë të korruptojë një gjyqtar që të marrë vendimin e drejtë në gjykatë, s’ka nevojë të pijë drogë që të gjejë gëzim, as ka nevojë të lypë nëpër rrugë që të fitojë bukën e ditës”, tha Imzot George Frendo. /tesheshi.com/
