Në rast festash fetare, kur aktorët kryesorë të politikës shqiptare nis e përcjellin mesazhet e tyre korteziale, vihet re në ato pak rreshta një sforco për të formuluar fjalë me përkorësi klerikale.
I tillë është një mesazh përcjellë së fundi prej kreut të Kuvendit Gramoz Ruçi, i cili hyn te politikanët me tipare nursëze. Socialisti i vjetër ka zgjedhur fjalë që zakonisht nuk janë pjesë e fjalorit të tij politik, duke ngjarë për një moment si njeri nën veladon.
Nëse mesazhit të përcjellë prej tij për Krishtlindje nuk do i dihej për një moment autori, ato do mereshin si të thëna ndoshta nga vetë Papa.
“Krishtlindjet, gëzim i brendshëm drite e paqeje. Një urim të veçantë emigrantëve që erdhën të festojnë në atdhe. Dhimbsuria e bën shoqërinë më të ngrohtë e më të drejtë. Lumturia e të gjithëve, jo pasuria e disave, e bën jetën më të mirë”, ka qenë urimi “tronditës” i Gramoz Ruçi. /tesheshi.com/
