Risi priten për të gjithë përdoruesit e iOS. Prej disa minutash në pajisjet mobile të Apple është shfaqur një mesazh për lajmërimin e përdoruesve mbi kriptografinë end to end për bisedat.
Çfarë do të thotë kjo? Që mesazhet nuk mund të deshifrohen nga furnizuesi i shërbimit, edhe pse WhatsApp duhet që më parë të marrë një urdhër nga ana e forcave të policisë.
“Që nga dita e parë kemi ndërtuar WhatsAppin për të ndihmuar dhe për të ngelur në kontakt me miqtë tanë për të ndarë informacione me rëndësi jetësore gjatë katastrofave natyrore, për të rivendosur kontakte mes familjeve të ndara apo për të kërkuar një jetë më të mirë”, – shkruhet në mesazhin informues.
“Disa prej momenteve më personale janë ndarë në WhatsApp, arsye për të cilën kemi ndërtuar edhe kriptografinë end to end në versionin më të fundit të aplikacionit tonë. Me kriptografitet end to end, mesazhet, fotot, videot, mesazhet zanore, dokumentet dhe telefonatat nuk mund të përfundojnë në duart e gabuara” , – shkruhet më tej në mesazhin e WhatsApp.
Me fjalë të tjera, as vetë WhatsApp nuk do të mund të dekriptojë përmbajtjen e mesazheve tona. Opsioni do të jetë aktiv për momentin vetëm për përdoruesit iOS, të cilët kanë shkarkuar azhornimin e fundit, ndërsa për pajisjet Android është i pranishëm tashmë prej vitesh dhe aktivizohet në mënyrë automatike. /tesheshi.com/
