Edhe pse ka 17 vite që lufta ka përfunduar dhe ushtria serbe u largua nga Kosova, ka ende ish-pjesëtarë të saj që besojnë në rikthim të sërishëm.
I dënuari për krime lufte në Kosovë, Dragolub Ojdaniq, është optimist se ushtria serbe do kthehet në Kosovë, për çka thotë se sikur të ishin respektuar dispozitat e Rezolutës 1244 të OKB-së, një pjesë serbe tashmë do të ishte kthyer.
Ndërsa ai ka folur edhe për tërheqjen e ushtrisë serbe nëvitin 1999.
“Korpusi i Prishtinës, sidomos,e kishte pritur shumë rëndë vendimin për tërheqje. Ushtarët hapur kanë shprehur pakënaqësinë e vet duke thënë se ata s’e kishin humbur asnjë këmbë toke të vendit dhe s’e kishin lënë asnjë ushtar të huaj të hynte në territorin e RFJ- së e tash u duhej të tërhiqeshin. Ata thanë se edhe më tej ishin të gatshëm të vazhdonin, nëse duhej , deri tek ushtari i fundit. Kur filloi tërheqja e planifikuar, NATO ishte i habitur me organizimin, disiplinën komanduese, luftarake dhe atë ë marshimit”, ka thënë Ojdaniq për mediat serbe
Ai më tej ka thënë se i vjen keq që disa zyrtarë serbë, pohojnë se Serbia me Marrëveshjen Tekniko – Ushtarake është akt i kapitullimit.
“Kjo do të thotë se Ushtria kishte kapitulluar, e kjo nuk ka lidhje me të vërtetën” thotë ai. /tesheshi.com/
