Disa të burgosur të dënuar për krime të rënda, me dënime prej 15 vjet burg, numri i të cilëve ende nuk është konfirmuar, dje në mbrëmje kanë rrëmbyer rojen dhe e kanë përdorur atë për të shpëtuar nga burgu i Idrizovës në Maqedoni.
Raportohet se të burgosurit arritën të marrin armën zyrtare të rojes dhe e kanë detyruar të dalë me ta jashtë. Pastaj me automjetin e tij, roja i ka dërguar ata në fshatin Nerez të Shkupit, nga ku edhe janë humbur gjurmët.
Rastin e ka konrmuar drejtori i burgut dhe policia, e cila sot dha deklaratë të shkurtër se tek ta është denoncuar arratisja nga burgu më i madh në shtet.
Më shumë detaje askush nuk zbulon në interes të hetimit nëse të burgosurit kanë pasur ndihmë brenda nga burgu, ose vetë e kanë organizuar arratisjen. /tesheshi.com/
