Janë kthyer ngjarjet e rënda në rend, harruar prej javësh për shkak të karantinimit të shoqërisë si pasojë e epidemisë COVID-19. Janë dy, njëra më e rëndë se tjetër, e po ashtu t ngjashme në lloj.
Më së pari në Lezhë, në zonën e quajtur Lalm i Vjetër,
në një automjet janë gjetur të ekzekutuar me armë zjarri dy persona, njëri prej tyre rapsod i njohur. Bëhet fjalë për Kol Murranin, 60 vjeç. Bashkë me të, po ashtu i vrarë, ka qenë edhe Preng Simoni, edhe ky 60 vjeç.
Pak me vonë, në Durrës, në një treg makinash të përdorura do ekzekutoheshin vëllezërit Viktor Haxhiaj, 35 vjeç dhe Besmir Haxhiaj, 37 vjeç, me origjinë nga Puka dhe që jetojnë në zonën Spitallës.
Edhe këta janë vrarë brenda një automjeti me të cilin lëviznin.
Ende nuk ka asnjë version zyrtar për motivet apo autorët e këtyre dy krimeve të rënda, ndodhur në një kohë të pazakontë. /tesheshi.com/
