Një gjerman me origjine tutke nga të Gjelbrit, fitoi zgjedhjet për kryetarë bashkie në Hanover.
Belit Onay mori 52.9 përqind të votave në zgjedhjet e së dielës, nga 47.1 përqind që fitoi kandidati i krahut të djathtë Eckhard Scholz.
Mediat gjermane thonë se kjo është hera e parë që një pasardhës i imigrantëve është zgjedhur kryetar i kryeqytetit i një prej 16 provincave gjermane.
Afro tre milion qytetarë me origjinë turke jetojnë në Gjermani.
Shumë erdhën në vend dekada më parë si punëtorë, duke ndihmuar në plotësimin e mungesës së krahut të punës pas Luftës së Dytë Botërore.
Onay, një avokat 38-vjeçar, pasoi në detyrë Stefan Schostok, i cili dha dorëheqjen në fillim të këtij viti.
Socialdemokratët kanë qeverisur kryeqytetin e shtetit gjerman të Saksonisë së Poshtme për mbi 70 vjet.
Onay u përfshi në politikë pas sulmeve të krahut të djathtë në disa familje turke në Zolingen në maj 1993, në të cilat u vranë pesë persona.
Si student, ai u anëtarësua në SPD, më vonë u diplomua në shkollën e drejtësisë në Hanover, ku ishte aktiv në Rrethin Demokratik Studentor (RCDS) për t’u bashkuar me të Gjelbrit në 2008. /tesheshi.com/
