Një bisedë mes dy personazheve të krimit në Shkodër, nxjerr në pah paradokset e kohës që po jetojmë. Ndërsa njerëz që nuk njohin Zot në llojin e jetës që bëjnë, ku vrasjet i kanë si bukë e djath, ata gjithsesi e përmendin Zotin. Madje diku, njëri prej tyre thotë dhe “pasha Allahu”, një frazë që u përket besimtarëve klasikë në komunikimin e zakonshëm.
Ata janë personazheve të atij lloj krimi që pak ditë më parë morri katër jetë, duke patur dy shenjestra, por viktimizuar bashkë me ta dhe burrë e grua krejt të pafajshëm, ndodhur në vendin dhe momentin e gabuar. Fjala është atentatin mafioz në Dobraç, lagjen ku ligjin e bëjnë famëkëqinjtë e Shkodrës, Bajrajt. Arlind Bushati dhe Hamza Lici, dy të rinj në një automjet, u sharruan nga plumbat. Ky i fundit, vëllai i shumë të kërkuarit Ibrahim Lici, ishte pa asnjë precedent penal, i papërfshirë në ndonjë ngjarje kriminale, e kësisoj mendohet ta ketë paguar me jetë hakmarrjen për të vëllanë. Pos kësaj, ishte dhe besimtar musliman praktikant. Dyshohet se pas kësaj vrasjeje janë pikërisht Bajrat, ku së bashku me Bilalajt janë në hasmësi me Licajt.
Dhe nga përgjimet e aplikacionit “Sky”, Astmer Bilali dhe Behar Bajri planifikonin të vrisnin Hamza Licin në gusht të 2020-ës.
E teksa kërkonin vrasjen e Hamzait, Bilali i kërkonte Beharit informacion dhe për Ibrahim Licin, të cilin synonte ta kapte dhe ta vriste.
E aty ku Bilali i thotë Bajrit se “plaku Mere”, duke iu referuar kryefamiljarit Mustafa Lici, kishte dalë në rrugë vetëm, në fjalosjen mes tyre, këta njerëz pa Zot shfaqen çuditërisht me Zot.
Behar Bajri: Paska dalë sot plaku Mere në asfalt më thanë, vetëm tek pull.
Astmer Bilali: Jo ma për Zotin, çfarë asfalti…?
Behar Bajri: Pasha Allahun po, nuk jam për lojna me kështu punësh…
